Do të startojë të premten java e dytë e Kategorisë së Parë me ndeshjen Lushnja-Pogradeci, që do të luhet në stadiumin “Roza Haxhiu” në orën 17:00 dhe do të transmetohet drejtpërdrejt në RTSH Sport.
Pas barazimit pa gola në transfertë përballë Korabit, Lushnja kërkon fitoren e parë sezonale në kampionat.
Miqtë nga Pogradeci festuan me fitore rikthimin në Kategorinë e Parë (mposhtën 3-1 Kastriotin) dhe në transfertën e sotme synojnë një tjetër rezultat pozitiv.
