Dean Huijsen, mbrojtësi qendror i Bournemouth, ka bërë disa lëvizje të mëdha në karrierën e tij — refuzoi Real Madridin për të shkuar te Juventusi, u huazua te Roma dhe verën e kaluar kaloi në Premier League.
Pas një sezoni të mirë në Angli, në moshën 20-vjeçare, këtë verë ka të paktën katër klube që e kërkojnë.
Sipas Cadena SER, Huijsen ka lejuar një ekip ligjor në Madrid të negociojë me Real Madridin.
Ai e ka pëlqyer gjithmonë Realin, por deri tani nuk ka asnjë ofertë konkrete, gjë që po shqetëson rrethin e tij.
Reali po pret Xabi Alonson për të vendosur prioritetet. Në fakt, zgjedhja e parë e Realit është Ëilliam Saliba i Arsenalit, por për shkak të çmimit të lartë, Huijsen është opsioni më i mundshëm.
Klauzola e tij është 60 milionë euro, por Reali do të përpiqet ta ulë këtë çmim.
Nga ana tjetër, Cadena SER thotë se Chelsea është më afër ta marrë. Chelsea, me trajner Enzo Maresca, e ka prioritet dhe do ta mbyllë marrëveshjen para Kupës së Botës për Klube. Edhe Tottenham, Arsenal dhe Liverpool kanë bërë oferta.
Reali do të bëjë ndryshime të mëdha këtë verë — Modric, Vazquez dhe Vallejo pritet të largohen. Edhe për Fran Garcia ende nuk është vendosur, dhe ai ka qenë i lidhur më parë me Bournemouth.
