Bora nga Prishtina është skuadra më e re e Superligës së Kosovës në basketboll. KB Bora prej edicionit të ardhshëm do të paraqitet në elitën e basketbollit kosovar.
Bora, të enjten e fitoi titullin e kampionit të Ligës së parë pasi në finale triumfoi ndaj Neë Basketit të Prizrenit. Bora triumfoi edhe në finalen e dytë, e cila u zhvillua të enjten në Prizren.
Në duelin e luajtur në palestrën “Sezai Surroi” në Prizren, Bora fitoi me shifrat 97:71 për ta konfirmuar veten si anëtare e Superligës.
Bora në Superligë do ta zëvendësoj Istogun, ekip që debutoi këtë edicion por regjistroi vetëm një fitore në stinorin e rregullt, në të cilin ka mbetur edhe një xhiro për t’u zhvilluar.
Ndërkohë, Neë Basketi do ta ketë edhe një mundësi për ta synuar Superligën pasi do të luaj në play-out me Proton Cable Prizrenin.