Basketbollisti amerikan Jaylani Darden është përforcimi i radhës te skuadra e Vëllaznimit për sezonin 2025/26.
Ekipi gjakovar, të enjten mbrëma ka prezantuar basketbollistin e gjatë 196 centimetra, që luan në pozitat 2 dhe 3, si dhe njihet për shpejtësinë, lojën në mbrojtje dhe saktësinë nga distanca.
Darden te Vëllaznimi transferohet nga NCAA, saktësisht ekipi State Spartans, ku ka treguar paraqitje të mirra dhe ka luajtur me një mesatare prej 15 pikëve, 6 kërcimeve e 3 asistimeve për ndeshje.
“Me ardhjen e tij, Darden pritet të sjellë energji dhe intensitet të lartë të punës në Gjakovë, duke qenë një element i rëndësishëm për objektivat e Vëllaznimit tonë në këtë sezon”, ka shkruar Vëllaznimi.
Darden është i huaji i katërt te Vëllaznimi për sezonin e ri pas Ziggy Reid, Seth Pinkey e Jacob Young.
