Mauro Ikardi është në kërkim të një aventure të re. Pasi i përfundoi huazimi në Turqi ku ishte pjesë e skuadrës së Galatasarait, sulmuesi argjentinas është rikthyer te PSG megjithatë e ardhmja e tij nuk pritet që të jetë Parisi.
Mediat e ndryshme raportojnë se Ikardi i është vetëofruar Milanit megjithatë ende nuk ka asgjë konkrete. Bashkëshortja dhe njëkohësisht menaxherja e futbollistit shprehet se Italia është një vend që e duan dhe është e bindur se do të rikthehen.
“Kur jam e lodhur, më mungon diçka që e gjeja në Paris dhe në Milano. Tani jam e lumtur sepse po merrem me ‘Masterchef’ dhe për gjithçka që më ndodh, nuk pendohem. Për Italinë nuk kam shumë nostalgji sepse e di që do të rikthehemi.
Ne kemi një shtëpi në Milano dhe e mbajnë personat që kujdesen për të dhe për kafshët. Është një vend që e dua dhe gjithmonë duam të kthehemi në qytet”, u shpreh Uanda.
PANORAMASPORT.AL
