Ishte një nga kandidatët kryesorë për pankinën e Kosovës, por në fund zgjodhi të drejtojë, Kombëtaren e Rusisë. Tekniku Roberto Moreno, ish-ndihmësi i “asit” Luis Enriques te Barcelona, Celta Vigo, Roma dhe kombëtarja e Spanjës, ishte i preferuari i FFK-së, me Presidentin Agim Ademi, që pati një takim me 46-vjeçarin spanjoll në Stamboll, por ky i fundit ka pranuar ofertën e Sochi, klubit që mbyll renditjen në elitën e futbollit rus.
Nënshkrimi i spanjollit me klubin rus është raportuar nga shtypi spanjoll, ku ndër të tjera thonë se Moreno kërkohej gjithashtu edhe nga turqit e Adana Demirspor, megjithatë së shpejti do të prezantohet si trajneri i katërt i skuadrës së Sochi, gjatë këtij edicioni.
Gjatë karrierës si trajner, Morena ka drejtuar skuadra, si Granada në La Liga e Monaco në Ligue 1, por jo vetëm, pasi ka drejtuar edhe Kombëtaren spanjolle, për një periudhë të shkurtër pas tërheqjes së përkohshme të Luis Enrique për shkak të vdekjes së vajzës. /i.m /abcnews.al
