Trigolëshi kundër Valencias në ndeshjen e fundit të Barcelonës i dha goditje zërave se bomberi polak kishte humbur reflekset para porte. Ai rezultoi përcaktues me trisin e finalizimeve, ndërsa Barça fitoj 4-2.
KRYSHËNUESI- Aktualisht vendin e parë në listën e shënuesve i përket surprizës Dovbik. Sulmuesi ukrainas me fanellën e Gironës grumbullon 19 gola, 2 më tepër se ndjekësi më i afërt, në këtë rast Sorlot dhe Xhud Bellingam. “Pyka” e Barçës është ngjitur në kuotën e 16 konkretizimeve, aty ku trigolëshi kundër Valencias e ka afruar shumë me kreun e kategorisë në fjalë. Në lojë janë edhe 5 javë të tjera.
NDESHJET- Pikërisht Leva do ketë shansin të prezantoj repertorin prej goleadori ndaj Gironës, e planifikuar të zhvillohet në datën 4 maj. Përveç duelit mes ekipeve, Leva do “përplaset” me Dovbik. Më pas Barça pret në shtëpi Real Sociedad. Fakti që ata nuk kanë më asnjë objektiv në kampionat, pasi distanca mes Realit është e konsiderueshme dhe titulli është në duart e “galaktikëve”, e shtynë ekipin katalanas të luajë për Levandovskin. Tri ndeshjet e mbetur dhe shanset e fundit që Leva të fitojë trofeun “Piçiçi” përkon me Almeria (16 maj), Valekano (19 maj) dhe kundër Seviljas (26 maj). Fakti që Xhud Bellingam është mes kryeshënuesëve, i shton dozat e rivalitetit nga kampet e Realit dhe Barcelonës, duke kthyer në vëmendje ballafaqimin e dikurshëmMesi-CR7.
TAKTIKA E TRAJNERIT- Nisja e muajt shkurt, ndiko që Levandovski të merrte tjetër rrjedhë përsa i takon golave. Deri në atë pikë, plaku kishte mbetur në konturet e zakonshëm të golave, larg pritshmërive. U nevojit taktikat e trajnerit Ksavi Hernandez për të “zgjuar” Levën, specifikisht duke ngjitur më lartë sezakonisht në rreshtim Gyndoan, ndërsa ky i fundit e orientoi manovrat drejt Robertit, si pikëreferimi, e cila rezultoi e suksesshme. Tabloja i dha mundësi Ilkait për të demonstruar potencialin në fazën ofensive, ashtusiç vepronte me fanellë e Mançester Sitit.
PANORAMASPORT.AL
