Me përfundimin e ndeshjeve të sotme, tri kombëtare kanë siguruar kualifikimin për Kampionatin Evropian, i cili do të mbahet në gjermani gjatë vitit 2024.
Franca e cila sonte mposhti në udhëtim Holandën me rezultat 2-1, siguroi matematikisht kualifikimin për ”EURO 2024”, me 6 fitore në po aq ndeshje të luajtura deri më tani.
Portugalia sonte vulosi kualifikimin në Kampionatin Evropian me fitoren e 7-të në këto kualifikuese, duke e mposhtur Sllovakinë me rezultat 3-2.
Kombëtarja e tretë që ka siguruar një bilitë për Berlin, është ajo e Belgjikës, e cila sonte mposhti rivalin direkt, Austrinë me rezultat 3-2.
