Në pritje të zyrtariz imeve të trajnerëve Mota dhe Konte, Juventusi dhe Napoli janë duke punuar për një shkëmbim të bujshëm. Sipas “La Stampa”-s, gjatë këtyre ditëve Xhuntoli dhe Mana janë duke vlerësuar mundësitë për të ardhmen e Kiezës dhe Di Lorencos.
Mes shumë alternativave në skenë ka dalë edhe një mundësi për shkëmbimin kokë më kokë. Kapiteni i Napolit është i lodhur me De Laurentisin dhe mund të transferohet në Torino, ndërkohë që ky i fundit do të bëjë rrugën e kundërt. Për Kiezën, rinovimi për momentin është në pritje dhe sulmuesi po mendon edhe një tjetër aventurë. Te Juventusi nuk ka pasur vazhdimësinë e duhur me trajnerin Alegri, por sigurisht që Mota e sheh si një titullar fiks. Problemi i madh është që Kieza përndiqet nga dëmtimet. Në këtë histori, patjetër që bardhezinjtë mund të dalin të fituar në aspektin ekonomik sepse e vlerësojnë Kiezën sa dyfishin e Di Lorencos.
IDEJA- Duket e vështirë, por jo e pamundur. Në rast se Kviça Kvaratshkelia do të largohet drejt PSG-së, pasi ka një ofertë afro 100 milionë euro, Kieza shihet si lojtari ideal me karakteristikat tekniko-taktike që mund ta zëvendësojë. Kjo gjë e shtyn Napolin të mendojë për një shkëmbim kokë më kokë me kapitenin Di Lorenco. Ky i fundit ka trokitur në dyert e klubit për të kërkuar largimin në merkato. Napoli e konsideron një lojtar të rëndësishëm dhe po ashtu Konte që do të marrë drejtimin e klubit, por në rast se Di Lorenco nuk është i kënaqur sigurisht që mund të largohet për të nisur një tjetër aventurë.
Interesim për të ka pasur edhe nga ana e Interit që në rast se do të largojë Dumfrisin, e sheh si lojtarin ideal për skemën e Simone Inzagit në krahun e djathtë. Është ende herët, merkato zyrtarisht nuk ka nisur, por drejtuesit nuk presin ditët zyrtare për të bërë lëvizjet. Gjithmonë duhet të jenë disa hapa përpara të tjerëve, që në momentin e lejes nga FIFA të futen në fazë operative. Kieza te Napoli dhe Di Lorenco te Juventusi, gjithçka mund të ndodhë, edhe pse nuk është aspak e lehtë. Të dy trajnerët e rinj që do të drejtojnë skuadrat do të ishin të lumtur.
PANORAMASPORT.AL
