E ardhmja e Xhoshua Kimish është ende në ajër dhe Barcelona është ende shumë e vetëdijshme për të marrë futbollistin e Bajernit. Kështu bën me dije gazeta gjermane “Kicker”, e cila siguron që ndërkombëtari gjerman vazhdon të shfaqet në listën e përforcimeve të mundshme për skuadrën e katalanase.
Probabiliteti për nënshkrimin e tij në verë është dukshëm i madh për shkak të situatës kontraktuale të lojtarit. Siç zbuloi së fundmi “Sky Germany”, Kimish nuk përjashton një ndryshim të ambientit pas gati një dekade të veshur me fanellën e Mynihut. Kontrata e ndërkombëtarit gjerman skadon në vitin 2025, kështu që, si klubi, ashtu edhe lojtari, synojnë të ulen në tryezën e bisedimeve para Kampionatit Evropian për të sqaruar të ardhmen e tyre.
Nëse nuk arrihet një marrëveshje rinovimi, Bajern do ta vendosë atë në rampën e daljes për të shmangur humbjen e tij falas vitin e ardhshëm. Megjithatë, në Gjermani dyshojnë se Barcelona mund të ndërmarrë një operacion që do të shkonte në një shumë prej 70 deri në 80 milionë euro për t’a ndarë nga skuadra bavareze.
Sigurisht, Bajern do të konsideronte gjithashtu një shkëmbim me Ronald Araujon, një qendërmbrojtës për të cilin gjermanët kanë qenë të interesuar prej disa kohësh. Pavarësisht kësaj, e ardhmja e Kimish duket se është gjithnjë e më e largët nga “Allianz Arena”, ku ai u rikthye në krah pas ardhjes së Pavlovic.
PANORAMASPORT.AL
