Lacio ka nisur të lëvizë në merkaton e verës dhe më në fund ka siguruar shërbimet e një mesfushori. Daishi Kamada ka mbërritur në Romë dhe është zyrtarisht futbollisti më i ri i skuadrës së kaltër.
Kamada vjen nga kampionati gjerman teksa sezonin e fundit ka qenë pjesë e skuadrës së Eintrat Frankfurtit. Vlera në treg e mesfushorit arrin në 27 milionë euro dhe duke marrë parasysh faktin se Lotito e ka bindur për të firmosur me Lacion, mund të konsiderohet një goditje.
Kamada kishte një akord paraprak me Milanin pak kohë më parë dhe ishin planifikuar edhe vizitat mjekësore megjithatë duket se gjërat ndryshuan dhe kuqezinjtë u fokusuan në pista të tjera. Vetë menaxheri shprehej se nuk mund të priste më gjatë një përgjigje nga Milani, duke lënë të kuptohet se ishte klubi kuqezi, ai që është tërhequr nga lojtari.
PANORAMASPORT.AL
