Markus Turam është rikuperuar pjesërisht dhe ka rifilluar punën me grupin e Interit, të paktën gjatë pjesës së parë të stërvitjes.
Më pas ai ka bërë ushtrime individuale për t’u siguruar se rikuperimi do të jetë i plotë, por për momentin pritet të qëndrojë në pankinë gjatë ndeshjes së radhës me Veronën. Ndërsa Turam është ende një alternativë, trajneri Kivu ka zgjedhur të japë besim në Boni, i cili do të formojë dyshe sulmuese me Lautaro. Ky kombinim synon të ofrojë shpejtësi dhe lëvizshmëri në fazën ofensive, ndërsa Pio Espozito do të mbetet në stol si rezervë.
Sulmuesi francez Boni po konsiderohet favoriti për titullar, duke u bazuar në performancat e fundit dhe gjendjen fizike të Turam. Kivu dëshiron të ruajë ekuilibrin dhe të mos rrezikojë ritmin e ekipit duke bërë eksperimente të mëdha në sulm. Në mesfushë, Suçiç është “i paprekshëm” pas golit të shënuar kundër Fiorentinës. Ai merr rolin kryesor në vend të Mkhitarjan, i cili mungon për shkak të dëmtimit. Pozicioni i tij është i stabilizuar dhe nuk pritet të ndryshojë në këtë ndeshje.
Në mbrojtje, rikthimi i mundshëm i Bisek në qendër është pjesë e planit për të forcuar repartin pas lëndimeve dhe për të testuar lojtarët më të rinj në kushte ndeshjeje. Kivu dëshiron, që skuadra të ruajë një strukturë të qëndrueshme dhe të mbajë lojtarët kryesorë në pozicionet e tyre.
Strategjia e trajnerit mbështetet në ruajtjen e hierarkisë së skuadrës dhe në përdorimin e lojtarëve që kanë treguar formë të mirë. Në këtë mënyrë, Interi mund të marrë rezultat pozitiv pa u rrezikuar performanca e skuadrës.
