Edhe pse kombëtarja e Zvicrës të shtunën në mbrëmje siguroi biletën për në Kampionatit Evropian, në Basel nuk pati festë euforike pas barazimit 1:1 ndaj Kosovës.
Selektori zviceran Murat Yakin tërheq vëmendjen pas ndeshjes, shkruan mediumi zviceran “Blick”.
Si e vlerësoni ndeshjen kundër Kosovës?
“Donim që ta festonim kualifikimin me një fitore, këtu me tifozët dhe familjen”, – thotë golashënuesi Ruben Vargas.
“Mund të jemi të lumtur”, thotë kapiteni Granit Xhaka.
“Edhe ne jemi të lumtur. Të jesh në finale për të gjashtën herë radhazi nuk është e lehtë”.
Pas nëntë ndeshjeve të luajtura, Zvicra ka katër fitore dhe pesë barazime, një rekord i përzier në këtë grup të dobët kualifikues.
Murat Yakin e pranon në studion e SRF se barazimi 1:1 e mërzit atë.
Selektori më pas thotë: “Pothuajse duhet të kërkojmë falje që nuk u kualifikuam në Kampionatin Evropian pas ndeshjes së gjashtë”.
Në lidhje me kritikat e forta ndaj tij, Yakin thotë: “Mendoj se ky është një llogari personale nga disa njerëz të medias që ndoshta mendojnë se ka diçka që nuk shkon mes meje dhe Granitit.
Kjo nuk është absolutisht e vërtetë”.
