Milani prezanton fanellën e parë për sezonin e ri.
Tifozët e Milanit tani mund të festojnë pasi klubi i tyre ka prezantuar fanellën e parë për sezonin 2023/24.
Vazhdës së përgatitjeve për sezonin e ri i është bashkuar edhe Milani, i cili ka bërë një nga gjërat primare: prezantimin e fanellës së re.
Rossonerët në bashkëpunim me kompaninë Puma kanë prezantuar sot (e enjte) në mëngjes fanellën e parë, atë vendase për sezonin e ri 2023/24.
Fanella e sezonit 2023/24 thuhet se është krijuar me vëmendje të përpiktë ndaj detajeve dhe krenohet me një përzierje perfekte të stilit, komoditetit dhe performancës.
Të prodhuara nga materiale me cilësi të lartë, ato sigurojnë frymëmarrje optimale, qëndrueshmëri dhe fleksibilitet – duke i lejuar tifozët të lëvizin pa mundim brenda dhe jashtë fushës.
I krijuar për t’u kujdesur për tifozët e të gjitha moshave dhe gjinive, koleksioni i fanellave të reja është tani në dispozicion për blerje, me të gjithë numrat.
“Gjithmonë M, gjithmonë Milan. Prezantimi i fanellës së shtëpisë për sezonin 2023/24”, shkruan në videon e publikuar nga Milani.
Pjesë e prezantimit ishin yje si Olivier Giroud, Davide Calabria, Mike Maignan dhe futbollistja nga Kosova, Kosovare Asllani.
