Kosova shënoi fitoren e parë në grupin 2 të Ligës C të Kombeve duke mposhtur Qipron me rezultat 0-4.
Muriqi me dy gola, Rrahmani me një dhe Dellova me një realizuan për fitoren e Dardanëve në transfertë, shkruan GazetaBlic Sport.
Edhe kundërshtari direkt për vendin e parë Rumania arriti sot fitore.
Rumunët mposhtën Lituaninë me rezultat 3-1.
Lituania i dha pak shpresë Kosovës teksa në pjesën e parë rezultati ishte 1-1, kurse edhe kaluan në avantazh në minutën e 78’të, por goli i tyre u anulua nga VAR.
Realizatorët për rumunët ishin, Mihaila, Marin dhe Mitrita teksa për Lituaninë shënoi, Kucys.
Me këtë fitore Rumania ka 6 pikë si lidere, Kosova e dyta me 3 aq sa ka edhe Qipro në vendin e tretë, teksa Lituania është e fundit pa pikë pas 2 ndeshjeve.
