Jurgen Klopp e quajti ekipin e tij të Liverpool “të lehtë për t’u dashuruar”, pasi mbeti i kënaqur nga fitorja 5-1 që arritën ndaj Toulouse, në Europa League.
Ky sukses i vendos “reds” nën kontrollin e plotë të grupit të tyre, me 9 pikë të plota dhe pranë kualifikimit në fazës tjetër.
“Unë mendoj se është vërtet e lehtë të biesh në dashuri me këtë ekip”, tha Klopp. “Ka kaq shumë eksitim në të.
Duhet të bëjmë hapa masivë, duhet të rritemi, duhet të bëjmë shumë gjëra, por shumë nga shenjat janë vërtet premtuese”, tha më tej trajneri gjerman i Liverpool.
“Mënyra se si futbollistët ndërveprojnë me njëri-tjetrin është vërtet e bukur, sepse kur flisni për një rindërtim të ekipit, është e gjitha për gjërat që shihni në fushë, padyshim. Por, duhet të ketë një rindërtim edhe jashtë fushës dhe kjo po shkon vërtet mirë”, tha më tej Jurgen Klopp.
Klopp duhej të bënte një rindërtim të rëndësishëm të skuadrës së tij këtë verë pas zhgënjimeve të sezonit të kaluar dhe largimeve të papritura të Jordan Henderson dhe Fabinho. Shenjat e hershme janë premtuese me Liverpool tre pikë larg kryesimit të Premier League dhe duke luajtur në të gjitha frontet.
