Klubi i Futbollit Sheffield United nuk ka më pronarë arabe. ‘COH Sports’, një grup sipërmarrësish të suksesshëm, partnerë biznesi dhe miq, i krijuar për të investuar në mundësi sportive, ka konfirmuar blerjen e “Blades”. Më poshtë deklarata zyrtare:
“COH Sports është e angazhuar për të përmirësuar organizatën aktuale me cilësinë më të lartë në fushat e nevojës, për të avancuar më tej klubin si brenda, ashtu edhe jashtë fushës së lojës.
Përveç blerjes së ekipit të futbollit, marrëveshja përfshin gjithashtu Sheffield United Women, SUFC Hotel Ltd dhe të gjitha pronat e paluajtshme. ‘COH Sports’ ka marrë zyrtarisht 100% të kapitalit aksioner të ‘Blades Leisure Ltd’, kompania mëmë e Klubit të Futbollit Sheffield United, nga United World Holdings Ltd.”
