Juventusi po punon për largimin e katër lojtarëve pasi më në fund ka arritur marrëveshje me Atalantën për nënshkrimin e Teun Koopmeieners, konfirmojnë mediat në Itali.
Lojtari më i profilit të lartë që pritet të largohet nga Juventusi këtë verë është italiani Federico Chiesa, i cili është lidhur me një kalim te Barcelona dhe Liverpooli ditët e fundit.
26-vjeçari ka folur tashmë me trajnerin e Barcelonës, Hansi Flick për një lëvizje të mundshme, por Liverpooli i Arne Slot ka kërkuar gjithashtu më shumë informacion nga Juventusi.
La Gazzetta dello Sport konfirmon se Empoli ka një marrëveshje me Zonjën e Vjetër për një marrëveshje të përhershme për Mattia De Sciglio, i cili iu bashkua klubit për 12 milionë euro nga Milani në vitin 2017.
Redaktori i IlBianconero, Romeo Agresti konfirmon se dy lojtarë të Next Gen mund të largohen gjithashtu nga Juve pas marrëveshjes me Atalantën për Teun Koopmeiners.
Bëhet fjalë për qendërmbrojtësit 21-vjeçarë Tarik Muharemovic dhe Facundo Gonzalez.
Gonzalez thuhet se është në negociata me skuadrën e Eredivisie, Feyenoord për një huazim me detyrim të mundshëm për të blerë. Muharemovic, ndërkohë duket se do t’i bashkohet Sassuolos në formë huazimi me një opsion blerjeje.
