Trajneri i Bajern Mynih, Vinsent Kompani e krahasoi duelin aktual të skuadrës së tij me Bajer Leverkusen me betejat Mançester Siti-Liverpul në Premier Ligë të viteve të tija kur inkuadrohej me “Qytetarët”.
Bajern udhëton te kampioni në fuqi, Leverkusen, të shtunën, tetë pikë përpara në Bundesligë dhe në rrugën e duhur për të rifituar titullin e ligës. Bavarezët megjithatë nuk e kanë mposhtur Leverkusen në pesë ndeshjet e fundit që nga emërimi i Ksabi Alonso si trajner në tetor 2022.
KONKURRENCA – “Në Angli ka pasur gjithmonë ArsenalJunajtid, pastaj Siti-Junajtid, më vonë Siti-Liverpul. Kur shikoni Bundesligën, kjo skuadër aktuale e Leverkusenit duket e vendosur të marrë gjithmonë më shumë se 80 pikë (në një sezon me 34 ndeshje) dhe të jetë jo shumë larg nga 90 pikë. Ju nuk mund të harroni se ata kanë humbur vetëm një herë (në ligë) në 18 muaj. Dhe ne do të donim të bëheshim skuadra e radhës që do t’i mposhtim ata në stadiumin e tyre sot”, tha Kompani.
KUNDËRSHTARI – “Ndeshja do të jetë me interes për shumë njerëz. Nuk do të më befasonte nëse do të merrnin rregullisht mbi 80 pikë. Kjo tregon se sa mirë po punojnë. Ne jemi të vetëdijshëm për këtë dhe kemi ndërmarrë hapa për të qenë konkurrues. Ne duam të jemi një nga skuadrat që do të fitojmë jashtë. Të dyja ndeshjet këtë sezon ishin shumë të ngushta. Cilësia në të dyja skuadrat është shumë e lartë. Por të dyja ndeshjet këtë sezon ishin gjithashtu të ndryshme. Në njërën morëm një karton të kuq të hershëm, në tjetrën dominuam. Tani po luajmë jashtë. Ju nuk e dini se si do të shkojë ndeshja, por patjetër do të jetë një lojë me cilësi të lartë”.
DUELI – “Jemi në një periudhë ku nuk duhet të mendojmë shumë për kundërshtarin. Ne e dimë se ata mund të mbrojnë thellë, por edhe të bëjnë presion lart. Ne duhet të jemi të përgatitur për të dyja. Ne shpesh kemi bërë presion të lartë, gjë që ka funksionuar mirë”. EKIPI – “Shpresojmë dhe normalisht që nuk do të ketë ndonjë ndryshim real në skuadër nga ndeshja e fundit për sa i përket kush është në dispozicion dhe kush jo. Lojtarët e lënduar nuk janë larg kthimit në stërvitje”, përfundoi trajneri i rekordmenëve të Gjermanisë.
PANORAMASPORT.AL
