Pronari i Notingem Forestit, Evangjelos Marinaqis, është tërhequr zyrtarisht nga menaxhimi i klubit, duke hequr emrin e tij nga regjistrimi si menaxher. Biznesmeni miliarder grek vazhdon të jetë pronari i Forestit, por ka vendosur të kalojë aksionet e tij në administrim, që do të thotë se nuk ka më kontroll apo ndikim të drejtpërdrejtë mbi menaxhimin e përditshëm të klubit.
Kjo është një masë e përkohshme, për shkak të një konflikti të mundshëm interesi me një tjetër klub që Marinaqis zotëron, Olimpiakosin. Sipas rregullave të UEFA-s, një individ nuk mund të kontrollojë dy klube që garojnë në të njëjtin kompeticion.
Si Notingem Foresti, ashtu edhe Olimpiakosi, janë në garë për të luajtur në Ligën e Kampioneve sezonin e ardhshëm. Ky vendim është një hap për të shmangur përjashtimin e ndonjërit prej klubeve nga UEFA, nëse të dy kualifikohen në të njëjtin turne evropian.
PANORAMASPORT.AL
