Kontreras është heroi i Partizanit, Teuta “dorëzohet” në shtesë

Partizani vuan, por arrin që të mposht 2-1 Teutën në “Arenën e Demave”, falë një goli të shënuar nga Kontreras në minutat shtesë. Toma kaloi në avantazh “të kuqtë” në pjesën e parë, por durrsakët barazuan në pjesën e dytë me Jazxhi.

Ka qenë e bukur dhe plot emocione sfida e transmetuar drejtpërdrejt në RTSH Sport. Partizani mbyll pjesën e parë në avantazh, falë golit të shënuar nga Toma. Teuta reagon në pjesën e dytë dhe barazon shifrat me Jazxhi.

Në minutat shtesë është Kontreras, ai që shënon golin e dytë për Partizanin dhe vulos fatin e këtij takimi. Mbyllet 2-1 sfida në “Arenën e Demave”.

Me këtë sukses Partizani ngjitet në kuotën e 26 pikëve dhe parakalon Teutën (po aq pikë) në klasifikim, duke u ngjitur në vendin e 5-të.