Koopmeiners: Jam i lumtur te Juventus dhe nuk kam menduar kurrë të largohem

Në prag të ndeshjes së Champions League kundër Monaco, mesfushori i Juventus, Teun Koopmainers, foli në një konferencë për shtyp: “Jam shumë i lumtur te Juventus, nuk kam menduar kurrë të largohem”.

“Edhe Juventus nuk më ka thënë kurrë se duhej të largohesha. Jam jashtëzakonisht i lumtur që jam këtu. Është ëndrra e çdo lojtari të jetë këtu dhe dua të bëj edhe më mirë”, shtoi më tej lojtari holandez.

Duke folur për pritshmëritë e tij, Koopmainers deklaroi: “Mund të them se jap 100% çdo ditë për të ndihmuar ekipin dhe mendoj vetëm për Juventus. Golat? Objektivi i parë është që Juventus të fitojë sa më shumë“.

Lidhur me formën aktuale të bardhezinjve, ai shtoi: “Kemi fituar shumë besim, jo ​​vetëm në aspektin e rezultateve, por edhe në aspektin e futbollit tonë”.

“Trajneri po na tregon shumë video dhe kjo mund t’i japë ekipit dhe mua më shumë besim. Ndihem mirë në këtë futboll, por e dimë që kemi ende shumë për të përmirësuar“, tha Teun Koopmainers.