Nga njëra anë, protesta e paralajmëruar tashmë nga tifozët, nga ana tjetër, mundësia për të shkuar në minus 6 pikë nga kreu nëse mposhtin sot Veronën. Juventusi po përjeton një klimë të veçantë pas eliminimit të tyre nga Kupa e Italisë dhe Liga e Kampioneve.
Bardhezinjtë ende mund ta bëjnë sezonin në Serinë A pozitiv ose të paktën të pranueshëm pas një fillimi të vështirë. Tiago Mota gjithashtu e di këtë dhe ka ndryshuar rregullat përpara ndeshjes kundër Veronës. Izolimi para ndeshjes në Kontinasa është rikthyer (një vendim i ndarë me ekipin) dhe seancat stërvitore do të dyfishohen gjatë javës duke pasur parasysh ndeshjet në kalendar që tani përkojnë vetëm me Serinë A.
Por ajo që po krijon lajm mbi të gjitha është përjashtimi i Ten Kopmeiners, një prej lojtarëve më të kritikuar pas eliminimit ndaj Empolit. Holandezi, i lodhur dhe padyshim jashtë formës, do të ulet në stol përballë Veronës për t’i lënë vend Turamit.
Francezi do t’i bashkohet Lokatelit në mesfushë me Kolo Muaninë në krye të sulmit që ul sërish në stol Dushan Vlahoviçin. Nuk do të ketë ndryshime në mbrojtje, pasi Mota ëshët shumë i kushtëzuar dhe Ueah e Kambiazo do të luajnë në krah, ndërsa në qendër Keli dhe Gati. Pas shpinës së Kolo Muanisë, pritet treshja Niko Gonzalez, Mekeni dhe Jildiz. Në portë i përhershmi Di Gregorio.
PANORAMASPORT.AL
