Kosova është renditur e pesta në FIBA Kampionatin Evropian për Shtetet e Vogla, që sonte përfundon.
Në këtë Evropian po garojnë tetë kombëtare.
Kosova në ndeshjen për vendin e pestë fitoi ndaj Armenisë 53:39.
Vendaset e filluan takimin për mrekulli, me një seri të jashtëzakonshme, duke fituar çerekun e parë bindshëm 21:4. Periudha e dyta ishte më e balancuar, në fakt, armenet ishin më të mira për një nuancë, duke e fituar këtë pjesë 13:18, për të shkuar në pushim me rezultat 34:22.
Lojë e ngjashme ishte në periodën e tretë që përfundoi 12:15, derisa në dhjetë minutat e fundit, Dardanet ruajtën epërsinë dhe triumfuan 53:39.
Te Kosova u dalluan Aulona Muhadri me dhjetë pikë e 21 kërcime dhe Enisa Kamerolli me 19 pikë e katër kërcime.
Në ndeshjen për vendin e shtatë, Andorra mundi Gjeorgjinë 80:49.
Për vendin e tretë do të luajnë Qipro me Shqipërinë, derisa finalja është ndërmjet Maltës dhe Norvegjisë.
