Kombëtarja e Kosovës në hendboll është e përkushtuar për të kërkuar fitoren ndaj Sllovakisë.
Ndeshja Kosovë – Sllovaki zhvillohet sot prej orës 17:00 në Pallatin e Rinisë dhe Sportit në Prishtinë.
Të enjten në Povazska Bystrica, Kosova pësoi me rezultat 33:23 nga sllovakët në ndeshjen e parë të fazës së parë kualifikuese për Botërorin 2025.
Sot është ndeshja e kthimit.
Hendbollistët e Kosovës dhe shtabi teknik i udhëhequr nga selektori Bujar Qerimi janë të përkushtuar për të përmirësuar përshtypjet.
Fokusi është maksimal në kërkim të fitores.
Të shtunën Kombëtares i është bashkuar edhe kapiteni Valon Dedaj, që nuk kishte mundësi të paraqitej në ndeshjen e parë.
