Kombëtarja e Kosovës e vazhdon sonte kampanjën kualifikuese për Kampionatin Evropian “Euro 2024”.
“Dardanët” do të ndeshen me Rumaninë me fillim nga ora 20:45 në stadiumin “Fadil Vokrri”, në kuadër të Grupit I të kualifikimeve, shkruan lajmi.net.
Ndeshja është e një rëndësie të madhe për fatin e Kosovës në këto kualifikime.
Kompania e madhe e basteve sportive “bet365.com” ka publikuar kuotat e fundit për këtë sfidë.
Të besuarit e trajnerit Alain Giresse llogariten favoritë për të triumfuar në këtë duel kundër rumunëve.
Kuota për fitoren e Kosovës llogaritet 2.38, barazimi 3.10, kurse për triumfin e rumunëve llogaritet me kuotën 3.20.
Kosova pozicionohet në vendin e tretë me dy pikë të tubuara në grup pas dy ndeshjeve.
Ndërkaq, Rumania është e dyta me gjashtë pikë, po aq sa ka edhe Zvicra lidere./Lajmi.net/
