Kosova U-16 në konkurrencën e femrave po përgatitet me intensitet të lartë për FIBA U-16 Kampionatin Evropian, Divizioni B, që do të mbahet në Konya të Turqisë nga 15-24 gusht.
Faza përgatitore po zhvillohet në qytetin e Therandës, dhe çdo aspekt i stërvitjes po shkon sipas planit të hartuar nga trajneri Hasan Bytyqi, i mbështetur nga ndihmëset e tij Valbona Bytyqi dhe Melda Baliqi.
Përfaqësuesja është duke ushtruar dy herë në ditë për të siguruar një paraqitje të denjë dhe konkurruese në kampionat, duke përfaqësuar Kosovën në formën më të mirë të mundshme.
Kosova ndodhet në Grupin C, ku do të përballet me përfaqësuese të forta siç janë: Sllovakia, Ukraina, Irlanda dhe Turqia.
