Kombëtarja e Kosovës U21 sonte nuk e ka pas mbrëmjen e vet, duke pësuar humbje me rezultat 3:0 nga Polonia U21.
Ndeshja është zhvilluar në stadiumin “Orlen Arena” në Plock.
45 minutat e parë ishin fatale për djelmoshat tanë, ku pësuan tre gola.
Golat i realizuan Mosor (25′) dhe Rakoczy (30′ e 44′).
Polonia ka zhvilluar ndeshjen e parë dhe ka shënuar fitoren e parë, kësisoj kryeson me 3 pikë në Grupin D të kualifikueseve për Kampionatin Evropian U21.
Kosova pas fitores me 2:0 ndaj Estonisë, sonte pësuan humbjen e parë dhe renditen në vend të dytë me 3 sosh.
Kosova U21 do të ndeshet me Gjermaninë më 12 shtator (19.00).
