Xhejdën Sanço pritet të largohet nga Mançester Junajtid në janar pas një prishjeje të parikuperueshme të marrëdhënies me menaxherin Erik ten Hag, sipas “Sky Germany”. Ish-sulmuesi i Dortmundit ka gjasa që të rikthehet në formë huazimi te Dortmundi, por nuk përjashtohet edhe një transferim përfundimtar.
Trajneri i Dortmundit, Edin Terziç, mësohet se është në kontakt të rregullt me Sançon. Ten Hag nuk ka ndërmend të tërhiqet në përplasjen e tij me sulmuesin, i cili është lënë jashtë pasi e akuzoi trajnerin holandez se ai e ka bërë atë “kokë turku” kur e la jashtë ndeshjes kundër Arsenalit me argumentin se ishte stërvitur keq.
PANORAMASPORT.AL
