Napoli është në një moment delikat të sezonit teksa një ndër më të kritikuarit është sulmuesi Viktor Osimhen. Në konferencën për shtyp para ndeshjes me Monzën, trajneri Valter Maxarri tha se nigeriani po gabon prej nervozizmit.
“Të gjithë e prisnin që Osimhen të shndërrohej në një lider, por është moment i vështirë. Prej kur është rikthyer nga dëmtimi është kritikuar edhe pse shumë pak topa kanë shkuar në zonën e tij. Ndoshta tani i peshon pak edhe përgjegjësia duke qenë se në sezonin e kaluar shkëlqeu, ka më shumë presion mbi shpatulla. Po gabon prej nervozizmit. Unë e fal, por kjo jo sepse jam i mirë, por sepse ai duhet mbrojtur”, tha ai.
PANORAMASPORT.AL
