Leao citon Ibrën: Nuk je kampion po nuk të kritikuanPasi ka lëvduar Milanin për paraqitjen në Kupën e Italisë, Rafael Leao ka postuar në rrjete sociale një copë intervistë të disa viteve më parë nga Zlatan Ibrahimoviç.
Në atë video suedezi deklaron se nuk ka kampion që nuk kritikohet. Edhe Leao me sa duket e gjen veten në ato fraza, teksa në lidhje me momentin e tij pas ndeshjes me Sasuolon pati deklaruar:
“Luajta mirë, por sipas meje të gjithë bëmë një ndeshje të madhe duke u treguar agresive. Fitoret kanë rëndësi po aq sa fryma e grupit dhe te Milani jemi si një familje”. Kualifikimi për në çerekfinalet e Kupës së Italisë ka rëndësinë e tij për Milanin, por numri 10 kuqezi synon të shkojë deri në fund të turneut, madje për ta mbyllur me trofe.
“Kemi caktuar disa objektiva për këtë sezon. Sidoqoftë duhet menduar ndeshje pas ndeshjeje. Me Atalantën na pret një sfidë e rëndësishme të premten. Duam të fitojmë dhe të ngjitemi në renditje”, përfundoi Rafael Leao.
PANORAMASPORT.AL
