Përzgjedhësi i Kroacisë, Zlatko Dalic, ka publikuar sot (e hënë) listën preliminare të lojtarëve tek të cilët llogarit për Kampionatin Evropian 2024 që do të zhvillohet në Gjermani.
Kroacia gjendet në grupin B së bashku me Shqipërinë, Spanjën dhe Italinë.
Në listën e publikuar nga Dalic nuk mungojnë emrat si Modric, Kovacic, Brozovic, Perisic, Kramaric, Gvardiol dhe Vida.
Ndeshjen e parë kroatët do ta luajnë më datë 15 qershor në orën 18:00 ndaj Spanjës në qytetin e Berlinit.
Në ndeshjen e dytë më 19 qershor, Kroacia do të luajë kundër Shqipërisë në ‘Volksparkstadion’ të Hamburgut.
Ndërkohë ndeshjen që do ta mbyllë fazën e grupeve me 24 qershor, të besuarit e Zlatko Dalic do ta luajnë ndaj Italisë me fillim nga ora 21:00 në ‘Red Bull Arena’ të Leipzigut.
Trajnerët e kombëtareve pjesëmarrëse në Euro 2024 duhet ta dërgojnë në UEFA listën përfundimtare me 26 futbollistë të ftuar brenda datës 7 qershor.
Kujtojmë që Euro 2024 do të luhet nga 14 qershori deri më 14 korrik, ndërsa finalja do të zhvillohet në qytetin e Berlinit.
Lista e Kroacisë:
PORTIERË: Livakovic, Ivusic, Labrovic.
MBROJTËS: Vida, Gvardiol, Juranovic, Sosa, Stanisic, Sutalo J., Erlic, Pongracic.
MESFUSHORË: Modric, Kovacic, Brozovic, Pasalic, Vlasic, Majer, Ivanušec, Sucic, Baturina.
SULMUES: Perišić, Kramarić, Petković, Pjaca, Budimir, Pasalić Marco.
LISTA REZERVË: Barisic, Ćaleta-Car, Jakic, Kotarski, Fruk, Ljubiçic, Matanovic, Sigur, Petar Sucic.
