Trajneri i Barcelonës, Ksavi Hernandez, ka folur me gazetarët për të “ “El Clasico”-n e parë sezonale që do të luhet nesër ndaj Real Madridit në Montjuic. Ksavi foli për ndeshjen, lojtarët e tij të lënduar dhe çfarë pret nga kjo ndeshje e madhe.Ksavi për “El Clasico”
“Është ndeshja që të gjithë duan ta luajnë, nëse bëjmë mirë do të thotë një rritje morale dhe besimi dhe do të kalonim një rival të drejtpërdrejtë. Është një ndeshje shumë e rëndësishme, të gjithë duan të luajnë. Është 50/50. Nuk ka pothuajse kurrë një të favorizuar. Në përvojën time, ‘El Clasico’ është e paparashikueshme
Lojtarët e lënduar të Barçës
“U befasova gjithashtu kur i pashë në stërvitje, lojtarët që ne nuk i llogarisnim ende duan të jenë atje. Ata po ndihen më mirë dhe ne do të shohim se si janë nesër para se të vendosim për formacionin. Ata që janë më të mirë do të luajnë, ajo që ne nuk mund të bëjmë është të bëjmë gabim duke futur një lojtar që nuk është 100%. Do të shohim si do të jenë nesër”.
A do të luajë Levandovski?
“Ai është mirë, nuk do t’ju jap formacionin apo ndonjë të dhënë. Ai është mirë dhe unë do të vendos nesër”.
Araujo apo Kanselo ndaj Vinicius
“Ne kemi Kanselon tani për të ndaluar Vinicius, është pozicioni i tij i natyrshëm, nesër do të shohim. Ai është i gjithanshëm. Ne kemi shumë opsione. Ai mund të luajë si mbrojtës krahu, i brendshëm dhe gjithashtu mund të luajë në mesfushë. Shihemi nesër”.
Plani i Barçës
“Duhet të jemi më të kujdesshëm në mbrojtje, por plani ynë nuk do të ndryshojë. Duhet të jemi të guximshëm dhe të dominojmë lojën me topin”.
Zhao Feliks
“Nuk e dija që ai nuk kishte shënuar kundër Madridit, është momenti i duhur që ai të shënojë golin e tij të parë nesër kundër tyre. Zhao përshtatet shumë mirë me pozicionin që duam. Është pozicioni i tij ideal. Ai nuk është një numër 9 apo një mesfushor sulmues. Unë e shoh atë më shumë si një sulmues të dytë me liri për të krijuar lojë”.
Levandovski dhe De Jong mund të startojnë?
“Nëse më thonë që janë 100%, sigurisht që do të luajnë”.
Gavi
“Ai është pjekur shumë. Nëse më kujtohet mirë, vitin e parë u mungoi një herë dhe këtë vit një herë. Ai është themelor për ekipin dhe është shumë i pasionuar. Ai na jep shpirt”.
PANORAMASPORT.AL
