Çelsi arriti të kualifikohej në gjysmëfinalet e Kupës së Ligës vetëm falë “ruletës” së penalltive përballë Njukasëllit në “Stamford Bridge”.
Penalltia e fundit do të goditej nga sulmuesi i Kombëtares shqiptare, Armando Broja, ashtu siç u pranua vetë nga 22-vjeçari, por që “Blutë” i mbyllën llogaritë përpara se të shkonin te gjuajtje e fundit.
Pas kualifikimit të Livërpulit mbrëmjen e djeshme përballë Uest Hemit, u hodh dhe shorti për gjysmëfinalet.
Kështu “Reds”-at e Jyrgen Klop do të kenë përballë Fulhemin, ndërsa “Bluve” duket se iu ka buzëqeshur fati, pasi do të ndeshen me skuadrën e Championship, Midëllsbrou.
Gjysmëfinalet do të jenë me dy ndeshje, në shtëpi dhe jashtë, teksa janë parashikuar të luhen me datat 8 dhe 22 janar, ndërsa finalja e madhe e “Wembly”-t do të luhet më 25 shkurt.
PANORAMASPORT.AL
