Kampioni i Kosovës, Ballkani shënoi fitore historike mbrëmë duke e mposhtur Dinamo Zagrebin në Ligën e Konferencës.
Në ndeshjen që u zhvillua në stadiumin “Fadil Vokrri”, Ballkani e mposhti Dinamo Zagrebin 2:0.
Kjo ishte fitorja e parë dhe pikët e para të kampionit të Kosovës në Ligën e Konferencës.
Tani, këtij suksesi të Ballkanit i ka reaguar edhe Driton Kuka, e po ashtu trajneri i ekipit kosovar të xhudos ka edhe një ofertë për Ilir Dajën.
Postimi i plotë (pa ndërhyrje):
“Suksesi bên zhurmë e jo daljet në media,rrjete sociale duke llomotit e mashtruar.
Suksesi po bën zhurmë tek një ekip e trener.
Të tillë po më duken ekipi futbollistik “ Ballkani”.
Të tillë po më duken njerêzit që ndërtuan ekipin në krye me trenerin që aq sa unë po e shoh,pak flet e shumë punon!
Shpresoj mos të ndaleni,nismë e shkelqyeshme por pa eufori.
Kosova don tituj edhe në sporte kolektive,gjithçka është e mundur.
Trenerit nese i duhet sulmues i majtë mos të më qet në harresë”, shkroi Kuka në “Facebook”.
