Sezoni 2024 i pilotit meksikan Sergio Perez nuk ka qenë aspak i mirë, duke rrezikuar vendin për të ardhmen. Piloti i Red Bull e nisi mirë vitin, por shpejt humbi shkëlqimin, duke mos qenë në nivelin e shokut të tij të skuadrës Max Verstappen.
Nëse holandezi arriti ta ruajë kreun dhe është një hap larg titullit kampion bote për pilotë në Formula 1, makina Red Bull tashmë ndodhet në vendin e tretë për konstruktorë. Mungesa e pikëve të meksikanit kanë bërë që ajo të humbasë dominimin.
Ai që ka kritikuar Perez është Jos Verstappen, babai i Max, që tha: “Red Bull nuk mund të shpresojë shumë me vetëm një pilot që duelon në pistë për fitoren. Nuk e di se ëprse perez është kaq larg Max në çdo garë, kur kanë të njëjtën makinë”.
“Max rrezikoi shumë që ta humbiste titullin për pilotë pasi nuk ka një shok skuadre që ta mbrojë, që ta nxisë për të konkurruar më shumë. Prania e një shoku skuadre gjithnjë të ndihmon”, tha Jos Verstappen.
