Më në fund lajme të mira për mbrojtësin e kombëtares Elseid Hysaj. 30-vjeçari nuk është federuar nga Lazio për ndeshjet e kampionatit italian dhe ato të Europa League, por është i federuar për ndeshjet e Kupës së Italisë.
Duke parë mungesat e shumta që ka në skuadër, trajneri i Lazios, Baroni ka vendosur që të grumbullojë Hysajn për sfidën e sotme kundër Napolit në Kupën e Italisë.
Adam Marusic dhe Luca Pellegrini mungojnë në repartin e mbrojtjes, kështu që Elseid Hysaj mund të bëjë debutimin sezonal me bardhekaltërit, pasi u përjashtua nga listat e Serie A dhe Europa League.
Formacioni i mundshëm i Lazios:
Lazio (4-2-3-1): Mandas; Lazzari, Patric, Gigot, Hysaj; Rovella, Dele-Bashiru; Tchaouna, Pedro, Zaccagni; Noslin
