Florentino Perez i “dashuruar” marrëzisht pas Pedri-t. Nëse ka një lojtar për të cilin Perez do të bënte gjithçka për ta sjellë në Madrid është pikërisht mesfushori i Barcelonës, Pedri.
Burime të ndryshme nga Spanja bëjnë me dije se presidenti i Real Madridit nuk e shikon të pamundur idenë e transferimit të Pedri-t në Madrid, pavarësisht se mesfushori ka një kontratë aktuale deri në vitin 2030 me katalanasit dhe një klauzolë largimi 1 miliard euro.
Sipas burimeve në fjalë, Perez synon të sigurojë transferimin e Vitinha-s, gjatë verës së ardhshme dhe në verën e vitit 2027 të tentojë të “pamundurën” për Pedrin.
Te Barcelona duket se nuk shqetësohen aspak për këto lajme dhe janë të bindur që mesfushori i tyre nuk do t’i “tradhtonte” kurrë për rivalin historik.
