Federiko Kieza në mënyrë të habitshme është parë ditën e djeshme përkrah Dushan Vlahoviçit në stërvitjen e mëngjesit, të drejtuar nga Masimiliano Alegri. Ky ishte një lajm më se i mirë për tifozët e Juventusit, pasi tregon se dhimbjet muskulore të 25- vjeçarit kanë nisur që të zbuten, të zhduken…
Dhe sipas lajmeve të reja nga Torino tashmë Kieza ka mundësinë, por edhe dëshirën personale që shkojë të paktën në stol me Milanin, për të qenë në gatishmëri qoftë edhe për pak minuta, për të dhënë ndihmën e tij, nëse gjërat në “San Siro” të dielën në mbrëmje shkojnë keq. Por duke parë këtë rikthim të papritur të Kiezës në stërvitje me pjesën tjetër të grupit, Alegri dhe stafi mjekësor do të provojnë edhe mrekullinë në këto 4 ditë të radhës, pasi sfida me Milanin është aq e rëndësishme, sa një fitore mund ta katapultojë direkt dhe drejtpërdrejtë “zonjën e vjetër” në luftën për titullin kampion.
Ndërkohë, konfirmohet se Danilo do të qëndrojë 20 ditë jashtë dhe për këtë arsye, për në “San Siro” del në nxehje Rugani (nëse Alegri konfirmon skemën 3-5-2), ose konfirmohen në qendër vetëm Bremer e Gati, nëse Juventusi vendos që të ndryshojë skemë dhe të kalojë me 4 lojtarë në prapavijë.
PANORAMASPORT.AL
