Lamine Yamal ka pësuar një dëmtim muskulor dhe për këtë motiv nuk është stërvitur me Barcelonën në vigjilje të ndeshjes me Valencian. Lajmin e bërë të ditur vetë Hansi Flick, i cili sot ka sulmuar hapur komisarin teknik të Spanjës për aktivizimin me kohë të plotë të yllit të Barçës edhe pse ky i fundit i ishte bashkuar kombëtares edhe pse kishte një shqetësim muskulor.
“Lamine nuk do të jetë kundër Valencias. Ai iu bashkua kombëtares edhe pse kishte dhimbje. Mori qetësues dhe ka luajtur me Spanjën edhe pse kishte probleme fizike. Në njërën ndeshje luajti 79’ ndërsa në tjetrën 73’. Me Spanjën nuk është stërvitur për shkak të problemit që kishte. Mendoj se kjo nuk është mënyra e duhur për tu kujdesur për lojtarët. Spanja ka lojtarët më të mirë të botës, por duhet që të kujdeset për ata. Kjo më shqetëson”, tha Hansi Flick në vigjiljes të ndeshjes Barcelona-Valencia.
I pyetur për ndeshjen, trajneri gjerman i Barçës vlerësoi homologune tij te Valencia. “Carlos Corberán ka bërë një punë mjaft të mirë në stolin e Valencias. Ai ka stabilizuar ekipin ku sivjet luajnë shumë lojtarë të rinj. Mendoj se do të shikojmë një ndeshje të bukur”, tha Flick.
