Partizani do të presë Laçin ditën e shtunë për të zhvilluar mes tyre sfidën e javës së 20-të të Superiores. Ky takim do të startojë në orën 17:00 dhe është shumë i rëndësishëm për të dyja ekipet.
Një duel mjaft i luftuar pritet të jetë mes dy ekipeve që do të këmbëngulin për fitoren. “Demat” kërkojnë rezultat pozitiv për kreun, ndërsa nga ana tjetër kurbinasit synojnë rikthimin te fitorja dhe “hakmarrjen” në kampionat për shpresuar te “Final – Four”.
Statistikat e dueleve mes tyre “anojnë” nga kryeqytetasit, ku në 10 sfidat e fundit ia kanë dalë të marin 5 fitore. 4 të tjera kanë shkuar në favor të Laçit dhe vetëm 1 takim ka përfunduar në barazim.
13 gola ia kanë dalë të shënojnë të kuqtë në portën e kurbinasve, ndërsa nga krahu tjetër bardhezinjtë kanë gjetur rrugën e rrjetës në 12 raste.
Kujtojmë se në këto 10 sfidat e fundit të gjitha kanë qenë të vlefshme për kampionat, teksa dy takimet e këtij sezoni janë fituar nga Partizani me rezultatin minimal 1-0.
