Inter ia rrëmben yllin e skuadrës Juventusit.
Interi po ëndërron një goditje të madhe në merkato: bashkimin e vëllezërve Thuram në San Siro.
Sipas raportimeve nga Italia, zikaltrit po ndjekin nga afër Khephren Thuram, aktualisht te Juventusi, me synimin për ta bashkuar me vëllanë e tij Marcus Thuram, tashmë një nga liderët e Interit.
Marcus ka shkëlqyer që nga ardhja në vitin 2023, duke formuar një dyshe të fortë sulmuese me Lautaro Martínez.
Khephren, nga ana tjetër, është kthyer në një element kyç të mesfushës bardhezi që prej transferimit në Serie A në vitin 2024.
Edhe pse janë vëllezër dhe bashkëluajnë te Franca, ata nuk kanë qenë kurrë shokë skuadre në nivel klubi.
Operacioni nuk është i lehtë: Juventusi nuk dëshiron shkëmbim me Frattesin dhe nuk ka ndërmend ta lëshojë mesfushorin pa kushte të forta.
Megjithatë, Interi po e mban gjallë idenë dhe po “ëndërron” një lëvizje që do të bënte bujë të madhe në Itali.
