Ndeshja miqësore ndaj Ukrainës rezultoi fatkeqe për sulmuesin e Polonisë dhe të Juventus, Arkadiusz Milik. 30-vjeçari pësoi një dëmtim në gju dhe iu desh të largohej nga loja pas vetëm pesë minutash.
Nga dëmtimi, rezulton se Milik do t’i duhet t’i nënshtrohet një ndërhyrjeje kirurgjikale duke humbur kështu çdo mundësi për të marrë pjesë në Euro 2024.
Sipas njoftimit të kombëtares polake, lojtari do të rikthehet pranë klubit të Juventus aty ku edhe do të ndiqet me kujdes nga stafi mjekësor për t’iu nënshtruar më pas operacionit e për të nisur kështu procesin e rikuperimit. Një dëmtim që prish edhe ekuilibrat në kombëtaren e Polonisë, teksa në vijën e parë të sulmit opsioni i vetëm mbetet Robert Lewandowski.
