Fund i lumtur për familjen e sulmuesit të Liverpulit, Luis Diaz. Babai i sulmuesit kolumbian tashmë është i lire, pasi rrëmbyesit guerrilas e kanë lënë të lirë. Pothuajse dy javë pasi u rrëmbye nga anëtarët e grupit kryengritës kolumbian ELN, familja e sulumueist të Liverpulit mund të marrë frymë lirisht.
Lajmi është bërë i ditur nga Vicky Davila, reporterja kolumbiane që ka mbuluar gjithë situatën me rrëmbimin e Luis Manuel Diaz. Davila shkroi në portalin “X”: “I bekuar qoftë Zoti! Çfarë gëzimi që Luis Manuel Diaz, babai i Luis Diaz, është i lirë dhe kthehet në familjen e tij. Çfarë dhimbje e madhe dhe çfarë lumturie në të njëjtën kohë. Ankthi përfundon, torturat mbarojnë. Ata janë përsëri së bashku”.
Federata e Futbollit Kolumbian e konfirmoi lajmin: “Federata e Futbollit Kolumbian falënderon Qeverinë Kombëtare, Forcat Ushtarake dhe Policinë Kombëtare, si dhe të gjitha institucionet dhe zyrtarët që bënë të mundur lirimin e Luis Manuel Diaz, babait të lojtarit tonë Luis Diaz”.
Diaz është aktualisht në Francë duke u përgatitur për ndeshjen e Liverpulit në Ligën e Europës kundër Tuluzës.
Vuelve “Mane” a casa… qué felicidad Luis Díaz que tienes a salvo a tu papá Luis Manuel Díaz 🙏🙏🙏bendito sea Dios y que los secuestradores del ELN paguen por lo que hicieron. pic.twitter.com/cTGzAvpcXu
— Vicky Dávila (@VickyDavilaH) November 9, 2023
;
PANORAMASPORT.AL
