Lajme të këqija vijnë nga infermieria për Milanin: Christian Pulisic, që u largua i dëmtuar në pjesën e parë të ndeshjes Atalanta-Milan, u nënshtrua mëngjesin e së hënës kontrollit të specializuar mjekësor, që ka evidentuar një dëmtim.
Amerikani detyrohet që të qëndrojë larg fushës së blertë për të paktën 2 javë dhe si rrjedhojë do të humbasë ndeshjen kundër Crvena Zvezdës në Champions si dhe dy sfidat e ardhshme të kuqezinjve në kampionat.
Pulisic do mungojë kundër Genoas dhe kundër Veronës në Bentegodi në 20 dhjetor. Ka mundësi që ai të kthehet në dispozicion të Fonsecas për sfidën Milan-Roma që do të luhet më 29 dhjetor.
