Liria e Prizrenit ka vazhduar me përforcime, duke u përgatitur sa më mirë për sezonin e ri në Ligën e Parë. Pas emrave si Liridon Fetahaj, Egzon Bislimi e Fitim Susuri, prizrenasit në orët e vona të mbrëmjes kanë arritur marrëveshje edhe me Yll Hoxhën.
Majtaku prishtinas, vetëm një ditë më parë mbylli bashkëpunimin me Suharekën, ndërsa nga burimet brenda klubit prizrenas mësohet se Hoxha ka pranuar ofertën e Lirisë.
37-vjeçari do t’i shtojë përvojë ekipit të Klodian Duros, që është skuadra ndër më të përforcuara gjatë verës, në kërkim të rikthimit në Superligë.
Yll Hoxha karrierë ka bërë te Prishtina, Hysi, Kukësi, Flamurtari, Vllaznia, Feronikeli, Gjilani e Suhareka.
