Ylli i Barcelonës, Lamine Yamal ishte futbollisti më e kërkuar në Google në vitin 2024, ka konfirmuar platforma e njohur e kërkimeve.
17-vjeçari i jashtëzakonshëm kërkohej në Google shumë më shpesh sesa emra të mëdhenj si Lionel Messi, Cristiano Ronaldo apo edhe fituesi i Topit të Artë, Rodri.
Vetëm Imane Khelif dhe Mike Tyson, ishin dy sportistët që u kërkuan më shumë në Google sesa Yamal.
Lamine Yamal was Google’s most searched football player worldwide in 2024.
The third most searched athlete across all sports 🤯 pic.twitter.com/5ntVTUzLSj
— ESPN FC (@ESPNFC) December 11, 2024
Yamal pati një vit 2024 të paharrueshëm në të cilën ai ishte në gjendje të depërtonte dhe të bëhej lojtar kryesor për Barcelonën dhe Spanjën.
Sensacioni spanjoll ishte një nga lojtarët më të mirë në Euro 2024, duke ndihmuar Spanjën të fitonte titullin duke pasur pesë kontribute gola (një gol dhe katër asistime).
Ai gjithashtu ka performuar në një nivel shumë të lartë për Barcelonën, madje ka fituar çmimet ‘Golden Boy’ dhe ‘Kopa Trophy’ për vitin 2024.
Yamal po vazhdon edhe në këtë fillim sezoni të tregohet lojtari kryesor i Barcelonës, me 6 gola dhe 12 asistime në 20 ndeshje në La Liga dhe Ligën e Kampionëve.
