Lara Colturi mbyll në mënyrën më të mirë këtë vit kalendarik, duke koleksionuar një tjetër podium në Kupën e Botës në Ski për femra, i katërti në këtë sezon.
Në Semmering, aty ku u zhvillua etapa e 15-të e Kupës së Botës në Ski për femra, e fundit për këtë vit kalendarik, skiatorja shqiptare ka zënë vendin e tretë në garën slalom, disiplinën e saj të preferuar.
“Jam më komode në disiplinën slalom. Edhe dje isha në formë, por të tilla gabime ndodhin. E rëndësishme është që të dish si të reagosh. Mësova nga gabimi i djeshëm, kjo është e sigurt. Nuk po mendoj për Lojërat Olimpike. Po fokusohem vetëm për garën e radhës, duke punuar fort për garën që vjen. Po mësoj shumë dhe po mundohem që të jap maksimumin”, ka thënë Lara Colturi menjëherë pas podiumit të fituar në Austri për RTSH.
