Kylian Mbappe me një deklaratë të fundit ka goditur krerët e Paris Saint-Germain në kohën kur spekulimet e tij për largim nga Parisi këtë verë po rriten gjithnjë e më shumë.
Mbappe raportohet se do të largohet sipas të gjitha gjasave nga “Parku i Princave” këtë merkato dhe destinacioni i radhës mund të jetë Real Madridi, shkruan lajmi.net.
Reprezentuesi francez e ka drejtuar “gishtin” kah drejtuesit e klubit kur është pyetur se cili është problemi që PSG-ja nuk e fiton Ligën e Kampionëve.
“Nuk e di se pse PSG-ja nuk e fiton Ligën e Kampionëve. Nuk është shumë pyetje për mua. Bëmë atë që mundëm, pikë. Duhet të flasësh me njerëzit që bëjnë ekipin, që organizojnë skuadrën, që ndërtojnë këtë klub” – tha Mbappe, njofton FranceFootball, transmeton lajmi.net.
🚨🗣️ Kylian Mbappé: « Ce qu’il manque au PSG pour gagner la LDC ? Je ne sais, ce n’est pas trop une question pour moi. On a fait ce qu’on pouvait, point. Il faut parler aux gens qui font l’équipe, qui organisent l’effectif, qui construisent ce club. » 😳 @francefootball pic.twitter.com/NZs7Glf90K
— PSG COMMUNITY (@psgcommunity_) July 8, 2023
24-vjeçari ka kontratë me PSG-në deri në verën e vitit të ardhshëm.
Mbappe nuk ka pranuar rinovim të kontratës, derisa klubi parisien në anën tjetër synon ta shesë atë këtë verë pasi nuk duan ta largojnë vitin e ardhshëm falas.
Superylli francez i futbollit është pjesë e Paris Saint-Germainit nga viti 2018 kur u transferua për 180 milionë euro nga Monaco./Lajmi.net/
