Al Nassr do të paguajë 23.5 milionë euro në arkat e Interit për kartonin e 30-vjeçarit. Mesfushori nga Zagrebi, ishte pjesë e Interit prej janarit të vitit 2015. Me fanellën zikaltër fitoi titullin, dy herë Kupën e Italisë dhe po kaq herë Superkupën.
Interi duket se nuk dëshiron të humbas kohë për të gjetur zëvendësuesin e Brozoviç, teksa është piketuar menjëherë mesfushori i Sasuolos, Davide Fratezi, i cili shihet si ideali për të zënë vendin e kroatit.
Siç raportohet nga “SportItalia”, Interi dëshiron të mbyllë marrëveshjen me Fratezin së shpejti dhe dita vendimtare mund të jetë e mërkura më 28 qershor, duke ushtruar presion mbi palët e tjera të interesuara si Juventus, Roma dhe Milan.
Të premten, mesfushori 23-vjeçar tha se do të zgjedhë së shpejti klubin e tij të ardhshëm, për të cilin thuhet se është Interi.
PANORAMASPORT.AL
